வார இறுதி வந்துவிட்டால் போதும் எந்த ஓ.டி.டி.யில் என்ன படம் பார்க்கலாம் என்று பலரும் அலசி ஆராய்வார்கள். குறிப்பாக தியேட்டரில் வெளியாகும் படங்களை விடவும், ஓ.டி.டி தளங்களில் வெளியாகும் புதிய மற்றும் ஏற்கனவே பார்க்காத பழைய படங்கள் குறித்து ரசிகர்கள் ஆராய்ந்து வருகிறார். அந்த வகையில் மிஸ் பண்ணக்கூடாத 5 க்ரைம் த்ரில்லர் மலையாள படங்களை பார்ப்போம். மார்கோ கதைக்கு முக்கியத்துவம் கொடுக்கும் மலையாள சினிமாவில் முழுக்க முழுக்க சண்டைக்காட்சிகளுக்கு முக்கியத்துவம் கொடுத்து திரைக்கதை அமைக்கப்பட்ட படம் தான் மார்கோ. 2024-ம் ஆண்டு வெளியான இந்த படத்தில் உன்னிமுகுந்த் நாயகனாக நடித்திருந்தார். 30 கோடியில் தயாரான இந்த படம் 110 கோடி வசூலித்தது. இப்படத்தை அமேசான் பிரைம் ஓடிடியில் பார்க்கலாம். நாரதன் கடந்த 2022-ம் ஆண்டு வெளியான நான் லீனியர் க்ரைம் த்ரில்லர் திரைப்படம் தான் நாரதன். டோவினோ தாமஸ் நடிப்பில் வெளியான இந்த படத்தில், ஆனா பென் முக்கிய கேரக்டரில் நடித்திருந்தார். ஒரு டிவி செய்தி நெறியாளரை சுற்றி நடக்கும் த்ரில் சம்பவங்களே இப்படத்தின் கதைக்களம். இப்படத்தை அமேசான் பிரைம் ஓடிடியில் பார்க்கலாம். ஆட்டம் கடந்த 2023ல் வெளிவந்த சஸ்பென்ஸ், மிஸ்ட்ரி, திரில்லர் திரைப்படம். தமிழ் ரசிகர்களுக்கு அறிமுகம் இல்லாத நடிகர்கள் நடித்த திரைப்படம் என்றாலும், விறுவிறுப்பான திரைக்கதை இந்த படத்தன் மீது கவனத்தை ஈர்த்துள்ளது. இந்த த்ரில் படத்தை அமேசான் பிரைம் ஓடிடியில் பார்க்கலாம். கோல்ட் நேரம், பிரேமம் உள்ளிட்ட படங்களை இயக்கி வெற்றி கண்ட இயக்குனர் அல்போன்ஸ் புத்திரன், இயக்கத்தில் கடந்த 2022-ம் ஆண்டு வெளியான படம் கோல்ட். பிரித்விராஜ், நயன்தாரா நடிப்பில் வெளிவந்த இந்த படம் ஒரு மொபைல் கடையில், பிரித்வி போன் ஆர்டர் செய்கிறார். ஆனால் அவருக்கு கிடைத்ததோ ஏகப்பட்ட தங்க கட்டிகள். அதன்பின்னர் என்ன நடந்தது என்பதை விறுவிறுப்பாக சொன்ன இந்த படத்தை அமேசான் பிரைம் ஒடிடியில் பார்க்கலாம். ஐடின்டிட்டி கடந்த ஆண்டு வெளியான முக்கிய படங்களில் ஒன்று தான் ஐடின்டிட்டி. டோவினோ தாமஸ், திரிஷா நடிப்பில் வெளிவந்த சீரியல் கில்லர், க்ரைம், திரில்லர் திரைப்படம் வசூல் வேட்டை நடத்தியது. ஒடிடி தளத்திலும் நல்ல வரவேற்பை பெற்றது. இந்த படத்தை இந்த வீக் எண்டு அமேசான் பிரைம் ஜீ5 ஓடிடியில் பார்க்கலாம்.
இந்தச் செய்தி The Indian Express ஊடகத்தில் வெளியிடப்பட்டது. மேலும் விரிவான தகவல்களுக்கு மூல கட்டுரையைப் படிக்கவும்.
