10 அணிகள் களமாடும் 19-வது ஐ.பி.எல். தொடர் மார்ச் 28-ம் தேதி முதல் கோலாகலாமாக தொடங்கி நடைபெற்று வருகிறது. மே 31-ம் தேதி வரை இந்தியாவின் பல்வேறு நகரங்களில் நடக்கும் இத்தொடரில், இன்று சனிக்கிழமை 2 ஆட்டங்கள் நடைபெறுகிறது. இந்நிலையில், இன்று பிற்பகல் 3:30 மணிக்கு டெல்லி அருண் ஜெட்லி மைதானத்தில் நடைபெறும் 35-வது லீக் போட்டியில் டெல்லி கேப்பிடல்ஸ் - பஞ்சாப் கிங்ஸ் அணிகள் மோதின. இந்த ஆட்டத்தில் டாஸ் வென்று முதலில் பேட்டிங் ஆடிய டெல்லி அணி 20 ஓவர்கள் முடிவில் 2 விக்கெட் இழப்புக்கு 264 ரன்கள் எடுத்தது. அதிகபட்சமாக கே.எல் ராகுல் 152 ரன்கள் எடுத்தார். தொடர்ந்து, 265 ரன்கள் கொண்ட வெற்றி இலக்கை துரத்திய பஞ்சாப் அணி அதிரடியாக ஆடியது. அந்த அணியின் பிரப்சிம்ரன் சிங் அரைசதம் விளாசி 76 ரன்கள் எடுத்தார். அணியின் வெற்றியை உறுதி செய்த கேப்டன் ஷ்ரேயாஸ் ஐயர் 71 ரன்கள் எடுத்தார். இறுதியில், 18.5 ஓவர்களில் இலக்கை எட்டிய பஞ்சாப் அணி டெல்லியை 6 விக்கெட் வித்தியாசத்தில் வீழ்த்தியது. காயம் இந்நிலையில், இந்த ஆட்டத்தின் போது பஞ்சாப் கிங்ஸ் அணியின் தொடக்க வீரர் பிரியன்ஷ் ஆர்யாவுக்கு அக்சர் படேல் வீசிய மூன்றாவது ஓவரில் மெதுவான பந்தை மிட்-ஆஃப் திசையில் அடித்தார். பந்தை பிடிக்க பின்வாங்கிக் கொண்டிருந்த லுங்கி என்கிடி, அதனைப் பிடிக்க கையை நீட்டினார். ஆனால், பந்தை எட்டத் தவறிய அவர், நிலை இழந்து தடுமாறி, அப்படியே பின் பக்கமாக தரையில் விழுந்தார். இதில் அவரது தலை தரையில் சட்டென மோதியது. Lungi Ngidi (South African cricketer) stretchered off after horrific head injury in IPL 2026. Ambulance rushed onto field, taken to hospital. #ipl2026 pic.twitter.com/mKx7BLAoB5 — Vivek Singh (@viveksinghsays) April 25, 2026 சில கணங்கள் அப்படியே அசைவற்று கிடந்ததால் அங்கிருந்த வீரர்கள் அனைவரும் அதிர்ச்சியில் உறைந்தனர். அப்போது மருத்துவக் குழுவினர் களத்திற்குள் விரைந்து அருக்கு சிகிச்சை அளித்தனர். அப்போது, அவர் சுயநினைவுடன் காணப்பட்டார். பிறகு மைதானத்திற்கு நடுவே ஆம்புலன்ஸ் வந்தது. பின்னர் அவரை ஆரம்ப சிகிச்சைக்கு ஸ்ட்ரெச்சரில் ஏற்றி, ஆம்புலன்ஸ் மூலம் மாக்ஸ் மருத்துவமனைக்கு பரிசோதனைக்கு அழைத்துச் சென்றது. 🚨Lungi Ngidi has suffered a serious injury🚨 - For the first time in IPL history, an ambulance has come onto the ground. - He misjudged the catch & fell awkwardly 😳 - He lay still on the field for some time. - Doctor quickly arrived on the scene. Stretcher and Ambulance... pic.twitter.com/vLSPJGVits — Indian Cricket (@IPL2025Auction) April 25, 2026 இந்த நிலையில், லுங்கி என்கிடியின் உடல்நலம் குறித்த தகவலை ஐ.பி.எல் நிர்வாகம் பகிர்ந்துள்ளது. இது தொடர்பாக சமூக வலைதள பக்கத்தில் பகிர்ந்துள்ள அறிக்கையில், " பஞ்சாப் கிங்ஸ் அணிக்கு எதிரான போட்டியில், கேட்சைப் பிடிக்க முயன்றபோது, டெல்லி கேப்பிடல்ஸ் அணியைச் சேர்ந்த லுங்கிசானி என்கிடி தலை தரையில் மோதியது. Update: Lungisani Ngidi of Delhi Capitals hit his head on the ground while attempting to take a catch during his team’s match against Punjab Kings. He was shifted to the hospital in an ambulance as he complained of a headache and neck pain. Ngidi is stable and is due to be... https://t.co/F6NQhDTq9F — IndianPremierLeague (@IPL) April 25, 2026 அவர் தலைவலி மற்றும் கழுத்து வலி இருப்பதாகக் கூறியதால், ஆம்புலன்ஸ் மூலம் மருத்துவமனைக்குக் கொண்டு செல்லப்பட்டார். தற்போது அவரது உடல்நிலை சீராக உள்ளது; அவர் விரைவில் மருத்துவமனையிலிருந்து வீடு திரும்பவுள்ளார். அவருக்குப் பதிலாக, 'மூளை அதிர்ச்சி மாற்று வீரராக' (concussion substitute) விப்ராஜ் நிகம் களத்தில் இறங்கியுள்ளார்." என்று கூறியுள்ளது.
இந்தச் செய்தி The Indian Express ஊடகத்தில் வெளியிடப்பட்டது. மேலும் விரிவான தகவல்களுக்கு மூல கட்டுரையைப் படிக்கவும்.
