IPL 2026 PBKS vs LSG Live Cricket Score, Punjab Kings vs Lucknow Super Giants Today Match Updates: 10 அணிகள் களமாடும் 19-வது ஐ.பி.எல். டி20 கிரிக்கெட் தொடர், மார்ச் 28-ம் தேதி முதல் கோலாகலாமாக தொடங்கி நடைபெற்று வருகிறது. மே 31-ம் தேதி வரை இந்தியாவின் பல்வேறு நகரங்களில் நடக்கும் இத்தொடரில், இன்று ஞாயிற்றுக்கிழமை பிற்பகல் 3:30 மணிக்கு கொல்கத்தாவின் ஈடன் கார்டன்ஸ் மைதானத்தில் நடைபெறும் 28-வது லீக் போட்டியில் கொல்கத்தா நைட் ரைடர்ஸ் - ராஜஸ்தான் ராயல்ஸ் அணிகள் மோதுகின்றன. தொடர்ந்து, இரவு 7:30 மணிக்கு புதிய சண்டிகரின் முல்லன்பூரில் உள்ள மகாராஜா யாதவிந்திர சிங் சர்வதேச கிரிக்கெட் மைதானத்தில் அரங்கேறும் 29-வது லீக் போட்டியில் பஞ்சாப் கிங்ஸ் - லக்னோ சூப்பர் ஜெயண்ட்ஸ் அணிகள் மோதுகின்றன. நடப்பு தொடரில் ஷ்ரேயாஸ் ஐயர் தலைமையிலான பஞ்சாப் அணி, இதுவரை ஆடிய 5 போட்டிகளில் 4 போட்டிகளில் வென்று 9 புள்ளிகளுடன் புள்ளிகள் பட்டியலில் முதல் இடத்தில் இருக்கிறது. மறுபுறம், ரிஷப் பண்ட் தலைமையிலான லக்னோ அணி 5 போட்டிகளில் ஆடி 2-ல் வெற்றி, 3-ல் தோல்வி என 4 புள்ளிகளுடன் 8-வது இடத்தில் இருக்கிறது. புள்ளிகள் பட்டியலில் ஆதிக்கம் செலுத்த துடிக்கும் பஞ்சாப் அணியை லக்னோ சமாளிக்குமா? என்பது இன்றைய ஆட்டத்தில் தெரிந்து விடும். எனவே, இவ்விரு அணிகள் மோதும் இன்றைய ஆட்டத்தில் பரபரப்புக்கு பஞ்சமிருக்காது. இரு அணிகளின் உத்தேச பிளேயிங் லெவன் வீரர்கள் பட்டியல்: பஞ்சாப் கிங்ஸ்: பிரியான்ஷ் ஆர்யா, பிரப்சிம்ரன் சிங் (விக்கெட் கீப்பர்), கூப்பர் கோனோலி, ஷ்ரேயாஸ் ஐயர் (கேப்டன்), நேஹால் வதேரா, மார்கஸ் ஸ்டோனிஸ், ஷஷாங்க் சிங், மார்கோ ஜான்சன், சேவியர் பார்ட்லெட், ஹர்ப்ரீத் ப்ரார்/விஜய்குமார் வைஷாக், அர்ஷ்தீப் சிங், யுஸ்வேந்திர சாஹல் லக்னோ சூப்பர் ஜெயண்ட்ஸ்: மிட்செல் மார்ஷ், ஐடன் மார்க்ரம், ரிஷப் பண்ட் (கேப்டன்/விக்கெட் கீப்பர்), நிக்கோலஸ் பூரன், ஆயுஷ் படோனி, ஹிம்மத் சிங், முகுல் சவுத்ரி, ஜார்ஜ் லிண்டே/மயங்க் யாதவ், முகமது ஷமி, அவேஷ் கான், பிரின்ஸ் யாதவ், திக்வேஷ் ரதி
இந்தச் செய்தி The Indian Express ஊடகத்தில் வெளியிடப்பட்டது. மேலும் விரிவான தகவல்களுக்கு மூல கட்டுரையைப் படிக்கவும்.
