இந்திய ஸ்மார்ட்போன் சந்தையில் பட்ஜெட் விலையில் அதிரடி மாற்றங்களைச் செய்து வரும் ஏஐ+ ஸ்மார்ட்போன் நிறுவனம், தனது புதிய தயாரிப்பான 'ஏ.ஐ+ பல்ஸ் 2' மாடலை அறிமுகம் செய்துள்ளது. "நம்ம ஊரு தயாரிப்பு" என்ற பெருமையுடன் வெளிவந்துள்ள இந்த ஸ்மார்ட்போன், மிகக் குறைந்த விலையில் உலகத்தையே வியக்க வைக்கும் அம்சங்களைக் கொண்டுள்ளது. பொதுவாக பட்ஜெட் ரக போன்களில் 60Hz அல்லது 90Hz டிஸ்ப்ளே மட்டுமே வழங்கப்படும். ஆனால், ஏ.ஐ+ பல்ஸ் 2 மாடலில் 6.75-இன்ச் HD+ IPS LCD ஸ்கிரீன் கொடுக்கப்பட்டுள்ளது. இதன் முக்கிய சிறப்பம் இதில் உள்ள 120Hz Refresh Rate. இது சமூக வலைதளங்களை பயன்படுத்தும்போதும், கேமிங் விளையாடும்போதும் மிக மென்மையான அனுபவத்தைத் தருகிறது. மேலும், தூசு மற்றும் நீர் துளிகளிடமிருந்து பாதுகாப்பு பெற இது ஐ.பி64 ரேட்டிங் கொண்டுள்ளது. இந்த போனில் மிகப்பெரிய 6000mAh பேட்டரி பொருத்தப்பட்டுள்ளது. ஒருமுறை சார்ஜ் செய்தால் சாதாரணமாக 2 நாட்கள் வரை தாராளமாகப் பயன்படுத்தலாம். இதற்கு சார்ஜ் செய்ய 18W வேகமான சார்ஜிங் (Fast Charging) வசதியும் பெட்டியிலேயே (In-box) வழங்கப்படுகிறது. Unisoc T7250 ஆக்டா-கோர் பிராசஸர் பயன்படுத்தப்பட்டுள்ளது. இது வாட்ஸ்அப், யூடியூப் மற்றும் மிதமான கேமிங்கிற்கு சிறந்த பெர்ஃபார்மன்ஸ் வழங்கும். புகைப்பட பிரியர்களுக்காகப் பின்னால் 50MP டூயல் ஏ.ஐ கேமரா கொடுக்கப்பட்டுள்ளது. இது குறைந்த வெளிச்சத்திலும் தெளிவான படங்களை எடுக்க உதவுகிறது. முன்பக்கத்தில் செல்ஃபி மற்றும் வீடியோ கால்களுக்காக 8MP கேமரா உள்ளது. இது லேட்டஸ்ட் ஆண்ட்ராய்டு 16 (NxtQuantum OS) மென்பொருளில் இயங்குகிறது. இந்த விலையில் ஆண்ட்ராய்டு 16 உடன் வரும் மிகச்சில போன்களில் இதுவும் ஒன்று. ஏ.ஐ + பல்ஸ் 2 ஸ்மார்ட்போன் 2 வேரியண்ட்களில் கிடைக்கிறது.. 4GB RAM + 64GB ஸ்டோரேஜ் மாடல் அறிமுகச் சலுகையாக ரூ.5,999 (முதல் 24 மணிநேரத்திற்கு மட்டும்). 6GB RAM + 128GB ஸ்டோரேஜ் மாடல் அறிமுகச் சலுகையாக ரூ.7,999 விற்பனைக்கு கிடைக்கும். பச்சை, நீலம், ஊதா , இளஞ்சிவப்பு மற்றும் கருப்பு என 5 வண்ணங்களில் கிடைக்கிறது. ப்ளிப்கார்ட் மற்றும் சாப்ஸி தளங்களில் இதன் விற்பனை நடைபெறுகிறது. குறைந்த விலையில் அதிக பேட்டரி பேக்கப் மற்றும் மென்மையான டிஸ்ப்ளே கொண்ட போனைத் தேடுபவர்களுக்கு இந்த 'AI+ Pulse 2' ஒரு வரப்பிரசாதமாகும்.
இந்தச் செய்தி The Indian Express ஊடகத்தில் வெளியிடப்பட்டது. மேலும் விரிவான தகவல்களுக்கு மூல கட்டுரையைப் படிக்கவும்.
