ஸ்மார்ட்போன் சந்தையில் எதிர்பார்ப்பை ஏற்படுத்தியுள்ள ஒன்பிளஸ் நோர்ட் 6 ஏப்.7-ம் தேதி அதிகாரப்பூர்வமாக அறிமுகம் செய்யப்பட உள்ளது. அமேசான் தளத்தில் இதற்கான பிரத்யேக பக்கம் நேரலையாகிவிட்ட நிலையில், இந்த போனின் சிறப்பம்சங்கள் குறித்த தகவல்கள் வெளியாகியுள்ளன. ஒன்பிளஸ் நோர்ட் 6 போனில் சக்திவாய்ந்த Snapdragon 8s Gen 4 சிப்செட் பயன்படுத்தப்பட்டுள்ளது. கேமிங் மற்றும் செயல்திறனில் இது ஒரு 'பவர்ஹவுஸ்' ஆக இருக்கும் என நிறுவனம் கூறுகிறது. இது தவிர 165 fps OLED திரை, ஒரு மணி நேரம் தடையற்ற அதிவேக செயல்திறனை வழங்கும் முதல் போன் இதுவாகும். 1,800 நிட்ஸ் பிரகாசம் கொண்டது. இரவு நேரப் பயன்பாட்டிற்காக இது 2 நிட்ஸ் வரை குறையும் வசதி கொண்டது. கார்னிங் கொரில்லா கிளாஸ் விக்டஸ்+ (Gorilla Glass Victus+) இணையாகக் கருதப்படும் 'கிரிஸ்டல் கார்டு கிளாஸ்' (Crystal Guard Glass) பாதுகாப்பு வழங்கப்பட்டுள்ளது. இந்த போனின் முக்கியமான சிறப்பம்சம் அதன் 9,000mAh சிலிக்கான்-கார்பன் பேட்டரி ஆகும். இது ஒரு நாளுக்கும் மேலாக நீடிக்கும் திறன் கொண்டது. இந்த செய்தியை ஆங்கிலத்தில் படிக்க இவ்வளவு பெரிய பேட்டரியை வெறும் 70 நிமிடங்களில் முழுமையாக சார்ஜ் செய்துவிடலாம். கூடுதலாக, 27W ரிவர்ஸ் வயர்டு சார்ஜிங் வசதியும் இதில் உள்ளது. பின்புற கேமரா- சதுர வடிவ (Squircle) கேமரா அமைப்பில் 50MP பிரதான கேமரா மற்றும் 8MP அல்ட்ராவைடு கேமரா உள்ளது. முன்பக்கத்தில் 32MP கேமரா வழங்கப்பட்டுள்ளது. தூசு மற்றும் தண்ணீருக்கு எதிராக IP66/68/69K தரச்சான்றிதழ் பெற்றுள்ளது. ஆண்ட்ராய்டு 16-ன் அடிப்படையில் அமைந்த OxygenOS 16 மூலம் இது இயங்குகிறது. மைண்ட் ஸ்பேஸ் (Mind Space), ஏ.ஐ டிரான்ஸ்லேட், ஏ.ஐ ரைட்டர் மற்றும் ஏ.ஐ பாக்கெட் ஸ்கேனர் போன்ற நவீன ஏ.ஐ வசதிகள் இதில் இடம்பெற்றுள்ளன. இந்த போன் ஹோலோகிராஃபிக் குயிக் சில்வர் (Holographic Quick Silver), ஃப்ரெஷ் மின்ட் (Fresh Mint) மற்றும் லோ-ரிஃப்ளெக்ஷன் பிட்ச் பிளாக் (Low-Reflection Pitch Black) ஆகிய 3 நிறங்களில் கிடைக்கும். இதன் ஆரம்ப விலை முந்தைய மாடல்களை விட 3,000 முதல் 5,000 ரூபாய் வரை அதிகமாக இருக்கும் எனத் தெரிகிறது. அதன்படி, இந்தியாவில் இதன் விலை ரூ.35,000 முதல் தொடங்க வாய்ப்புள்ளது.
இந்தச் செய்தி The Indian Express ஊடகத்தில் வெளியிடப்பட்டது. மேலும் விரிவான தகவல்களுக்கு மூல கட்டுரையைப் படிக்கவும்.
